सुदुंबरे समाधी मंदिर व पंढरपूर पालखी सोहळा

बराच वेळ झाल्यानंतर काही भाविकांच्या लक्षात आले की, तुकाराम महाराजांनी संताजी महाराजांना एक वचन दिले होते तुझ्या अंत्यसमयी तुला शेवटचे दर्शन देण्यासाठी आणि तुला माझ्या हस्ते मुठमाती देण्यासाठी मी नक्की येईन.

हे वचन आठवल्यानंतर संताजी महाराजांवर माती टाकणे थांबविण्यात आले.

पहाटेच्या वेळी अचानक प्रकाशाचा एक मोठा किरण चमकला आणि काही क्षणांतच तुकाराम महाराज प्रगट झाले. पांडुरंगाचा जयघोष करीत ते संताजी महाराजांच्या देहापाशी गेले. त्यांनी संताजी महाराजांच्या देहावर तीन मुठी माती टाकल्या आणि एक अद्भुत चमत्कार घडला संताजी महाराजांचे शिरकमल पूर्णपणे झाकले गेले.